Homielski Robin Hud skraŭ 14 tysiač rubloŭ i na ich častavaŭ darosłych vypiŭkaj, a dziaciej — marožanym
Hrošy skraŭ u čałavieka, jaki jaho prytuliŭ.
U milicyju źviarnuŭsia 40-hadovy minčuk — jon raspavioŭ, što z domu źnikli 14 tysiač rubloŭ. Hrošy na zachoŭvańnie jamu pieradaŭ pracadaŭca.
Złodziejem akazaŭsia čałaviek, jakoha jon prytuliŭ pa prośbie znajomaha — 35-hadovy žychar Homielščyny pryjechaŭ u Minsk na zarobki. Adnojčy hość zaŭvažyŭ, jak haspadar kvatery kładzie vialikuju sumu ŭ kanviert.
Mužčyna ŭłučyŭ momant, skraŭ 14 tysiač i pajechaŭ dadomu. Tam jon vyrašyŭ hetyja hrošy pryhoža prahulać. Mužčyna zładziŭ tur pa barach, častavaŭ miascovych žycharoŭ ałkaholem i stravami, a čužym dzieciam kuplaŭ marožanaje.
Supracoŭniki kryminalnaha vyšuku znajšli złodzieja i zatrymali. Akazałasia, žychar Homielščyny byŭ nieadnarazova sudzimy za majomasnyja złačynstvy.
Ciapier jon atrymaŭ jašče adnu kryminalnuju spravu.