«Šostaje padarožža» Kasi
U śviežym «Tuzinie hitoŭ» pieramahła pieśnia, napisanaja 14 hadoŭ tamu — «Šostaje padarožža» Kasi Kamockaj na słovy Ihara Babkova. Matyŭ mokrych vałasoŭ, zbłytanych z travoj, i doŭhaha padarožža ŭźnik paśla padpisańnia manifestu na schodzie biełaruska-kielckaha źviazu.
U śviežym «Tuzinie hitoŭ» pieramahła pieśnia, napisanaja 14 hadoŭ tamu — «Šostaje padarožža» Kasi Kamockaj na słovy Ihara Babkova. Matyŭ mokrych vałasoŭ, zbłytanych z travoj, i doŭhaha padarožža ŭźnik paśla padpisańnia manifestu na schodzie biełaruska-kielckaha źviazu.
Pieśnia, napisanaja na pačatku 1990-ch, źjaviłasia ŭ debiutnym albomie hrupy «Novaje Nieba» — «Dzieci čornaha horadu», i praz 14 hod uvajšła ŭ novuju prahramu «Akustyka». U «śviežym» varyjancie hety tvor udzielničaje ŭ «Tuzinie hitoŭ». «Šostaje padarožža» było zapisana padčas kancertu Kasi razam sa Słavam Koraniem i Julijaj Hłušyckaj u mienskim Domie litaratara 30 kastryčnika 2004 h. Prahrama vydadziena na CD.
Aŭtar słovaŭ da «Šostaha padarožža» Ihar Babkoŭ napisaŭ tekst admysłova dla Kasi i nikoli nie publikavaŭ jaho jak vierš. Niekali pry padpisańni manifestu na schodzie biełaruska-kielckaha źviazu ŭźnikła patreba ŭ stvareńni himnu — muzyčnaha ŭvasableńnia, zasnavanaha na asacyjacyjach ź Irlandyjaj. Tak u Babkova ŭźnik matyŭ. Nazvu tvoru i muzyku prydumała sama Kasia.
Paet Ihar Babkoŭ kaža: «Adzin moj student z EHU raskazvaŭ, što daŭno ŭžo pačuŭ «Šostaje padarožža» ŭ adnoj z vandrovak ad znajomych i ŭvieś čas mierkavaŭ, što heta plon narodnaj tvorčaści. Akazvajecca, hety tvor pajšoŭ u śviet...»
❏
Šostaje padarožža
tvaje vałasy zbłytanyja z mokraj travoj
jak čužy uspamin žužałka paŭzie pa ścianie
niespakojnyja pieśni viecier piaje ŭ tryśniahu
maładaja vada šapoča ab biaskoncaj vajnie
dyk chutčej ža vandroŭnik źbirajsia ŭ darohu chutčej
na pahorkach Eŭropy zvajavanyja śpiać karali
praz chałodnyja nočy my projdziem pad kanvojem vačej
i adnojčy na zołku viarniemsia da hetaj ziamli
siarod hłohu i ruty na zachadzie śpić akijan
tolki vierasu vočy sumujuć ab zabytaj vinie
tam dzie kropli šypšyny my znojdziem svoj pakinuty dom
tam maładaja vada šapoča ab biaskoncaj vajnie
dyk chutčej ža vandroŭnik źbirajsia ŭ darohu chutčej
na pahorkach Eŭropy zvajavanyja śpiać karali
praz chałodnyja nočy my projdziem pad kanvojem vačej
i adnojčy na zołku viarniemsia da hetaj ziamli