Zidan adkryvaje ŭ Ispanii futbolnuju fabryku zorak
Daradca prezidenta madrydskaha «Reała» lehiendarny francuzski paŭabaronca Ziniedzin Zidan sumiesna ź lehiendaj uruhvajskaha futboła Enca Frančeskoli zapuskaje ŭ Ispanii futbolnuju fabryku zorak.
Pa ŭsim śviecie budzie pravodzicca kastynh 16‑hadovych hulcoŭ. Adabranyja žury talenty potym buduć žyć u łahiery pavodle rasparadku, pryniatym u prafiesijnych kłubach.
Sačyć za žyćciom udzielnikaŭ prajektu možna budzie ŭ režymie realici‑šou. Ź junymi futbalistami buduć pracavać treniery, śpiecyjalisty pa fizičnaj padrychtoŭcy, psichołahi i dyjetołah.
A pieramožca atrymaje mahčymaść u nastupnym siezonie prajści pieradsiezonnuju padrychtoŭku z adnoj z kamandaŭ ispanskaj Prymiery.