Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»
Takuju ščodruju prapanovu deputat ahučyŭ u efiry staličnaha radyjo.
Aleh Hajdukievič. Skrynšot BT
Deputat ad ŁDP i były milicyjant Aleh Hajdukievič prapanavaŭ pryjechać na radzimu i adsiedzieć biełarusam, jakija nie ździajśniali nijakich złačynstvaŭ. Razvažajučy pra nibyta aktyŭnuju pracu KDB za miažoj, Hajdukievič vyrašyŭ padzialić biełarusaŭ, jakija źjechali, na «narmalnych źbiehłych» i «zdradnikaŭ». Dla pieršych u jaho jość supierprapanova.
«Narmalnym biehłym, jakija nie ździajśniali złačynstvaŭ abo administracyjnych pravaparušeńniaŭ, rekamiendavaŭ i budu rekamiendavać pryjechać, adsiedzieć hety administracyjny abo kryminalny termin i žyć», — zajaviŭ Hajdukievič.
Inšaja katehoryja emihrantaŭ Hajdukieviču niepatrebnaja. Ich pa viartańni ŭ Biełaruś, praŭda, taksama prapanujecca pasadzić, ale biez prava na pamiłavańnie.