U Abchazii paśla pratestaŭ i pierakryćcia mastoŭ adpuścili z-pad varty apazicyjanieraŭ
U niepryznanaj Abchazii vyzvalili z-pad varty zatrymanych napiaredadni apazicyjanieraŭ. Tysiačy ludziej patrabavali ich vyzvaleńnia.
U paniadziełak Amara Smyra, Hary Kakaja, Ałmaschana Ardzinba, Ramaza Džopua i Asłana Hvaramija zatrymali na ŭjeździe ŭ Suchumi. Jany viartalisia z abmierkavańnia ratyfikacyi inviestycyjnaha pahadnieńnia z Rasijaj. Ułady zajavili, što aktyvisty ździejśnili supraćpraŭnyja dziejańni ŭ dačynieńni da deputata parłamienta Ałmasa Akaba.
Mašynu, u jakoj znachodzilisia apazicyjaniery, spynili siłaviki ŭ maskach. Pasažyraŭ vyciahnuli vonki i pavalili na ziamlu, supravadžajučy praces abrazami. Paśla hetaha ich dastavili ŭ słužbu dziaržbiaśpieki.
Takija dziejańni ŭład vyklikali pratesty i pierakryćcie klučavych mastoŭ na ŭjezdach u Suchumi.
Siońnia stała viadoma, što Suchumski haradski sud spyniŭ sudavodstva «z pryčyny adsutnaści padziei administracyjnaha pravaparušeńnia».