Ministr pracy abiacaje nie pavyšać piensijny ŭzrost
Ciapier u Biełarusi piensijny ŭzrost dla žančyn składaje 58 hadoŭ, dla mužčyn — 63 hady.
Ministarka pracy i sacyjalnaj abarony Natalla Paŭlučenka paviedamiła, što pavyšać piensijny ŭzrost nie płanujuć.
«Ciapier my bačym i čujem, što ŭ šerahu krain SND abmiarkoŭvajucca pytańni dalejšaha pavyšeńnia piensijnaha ŭzrostu. Chaču zapeŭnić, što ŭ našaj krainie na paradku dnia nie staić takoje pytańnie. Pavieličeńnie piensijnaha ŭzrostu dla našych hramadzian nie płanujecca», — adznačyła jana.
Nahadajem, što ŭ 2016-m byŭ padpisany ŭkaz ab pavyšeńni piensijnaha ŭzrostu. Jon ros pastupova ciaham niekalkich hadoŭ. Da reformy žančyny vychodzili na piensiju ŭ 55 hadoŭ, a mužčyny — u 60.