U Hrodnie robiać suvienirnuju kartu dla turystaŭ. Tolki na ruskaj movie
«Hrodna. Turystyčnaja karta dla haściej horada» vyjdzie nakładam 6000 štuk. Usie asobniki buduć tolki na ruskaj movie. Pakul idzie padrychtoŭka da raspracoŭki aryhinał-makieta, paviedamlaje Hrodna.life
Dla padrychtoŭki karty treba sfatahrafavać hałoŭnyja architekturnyja pomniki horada i padrychtavać tekst «20 miescaŭ, jakija varta naviedać u Hrodnie». U tym liku patrebnyja panaramnyja fota i fota z drona. Što heta za abjekty, u techzadańni nie ŭdakładnili.
Pa-druhoje, treba raspracavać niepasredna aryhinał-makiet karty. Na adnym baku karty buduć znakavyja architekturnyja abjekty. Na advarotnym — panarama z vyšyni centralnaj častcy horada, fota i apisańnie słavutaściaŭ.
Karta ŭ razvarocie budzie pamieram 420×290 mm. Hrodzienski haradski centr dla zabieśpiačeńnia dziejnaści biudžetnych arhanizacyj vyvučaje rynak dla pracedury zakupki z adnoj krynicy. Na makiet vydatkujuć 6000 rubloŭ.