Na padtrymku departavanaha ŭ Biełaruś eks-kalinoŭca Vasila Vieramiejčyka sabrali nieabchodnuju sumu
Jaŭhienija Vieramiejčyk, žonka byłoha bajca Pałka Kalinoŭskaha Vasila Vieramiejčyka, jakoha 13 listapałda zatrymali ŭ Vjetnamie i nieadkładna pieradali ŭ ruki łukašenkaŭskich siłavikoŭ, adkryła dva tydni tamu na płatformie «Bajsoł» zbor dla patrebaŭ źniavolenaha muža.
Srodki źbiralisia dla jurydyčnaj dapamohi Vasilu Vieramiejčyku, a taksama na pieradačy dla jaho.
Suma zboru: 8000 jeŭra.
- Ź ich €2000 majuć pajści na apłatu pasłuh advakata ŭ Vjetnamie, jaki pavinien padrychtavać i pieradać svajakam usie papiery, źviazanyja z zatrymańniem i vydačaj Vieramiejčyka.
- €3000 — srodki na advakata ŭ Biełarusi, jaki ciapier šukajecca.
- €3000 — srodki na pieradačy.
Pa stanie na 10:00 5 śniežnia ŭžo sabrana krychu bolš za patrebnuju sumu pałova ad sumy 8115 jeŭra z 8000 jeŭra.