Troječnik i ŭ Polščy troječnik
Hanarovy staršynia Biełaruskaha PEN-Centru Lavon Barščeŭski – ab Prahramie dapamohi represavanym biełaruskim studentam imia Kastusia Kalinoŭskaha.
Hanarovy staršynia Biełaruskaha PEN-Centru Lavon Barščeŭski – ab Prahramie dapamohi represavanym biełaruskim studentam imia Kastusia Kalinoŭskaha.
«Prahrama ŭźnikła ź imknieńnia dapamahčy biełaruskim studentam paśla sakavickich padziejaŭ. Było padpisana pahadnieńnie miž A.Milinkievičam i tahačasnym premjeram Polščy K.Marcinkievičam ab vydzialeńni hrošaj na navučańnie.
Biełaruskija ŭłady paśla takoha raźvićcia padziejaŭ prytarmazili svoj impet, pierastali vyhaniać junakoŭ i dziaŭčat z universytetaŭ. Takim čynam, meta na hetym etapie ŭžo była dasiahnutaja.
Potym ža ŭźnikła niejkaja niajomkaść, što treba zapoŭnić usie vydzielenyja polskim bokam vakansii. Stali ŭklučać u hetyja śpisy nia tolki niepasredna represavanych ludziej, ale i tych, u kaho byli represavanyja svajaki i t.d.
Heta było nie zusim pravilna. Nia ŭsie, chto pajechaŭ na vučobu ŭ Polšču, akazalisia hatovy da ciažkaściaŭ, jakija čakali tam. Navučańnie za miažaj – reč ciažkaja, nie dla šarahovaha studenta, jaje nia kožny zmoža paciahnuć.
Było niapravilnym, što vyrašyli zapoŭnić usie miescy, prapanavanyja polskim bokam. Tre było pakinuć tolki sapraŭdy vyklučanych, a taksama tych, chto dobra vučyŭsia ŭ Biełarusi. A chto tut vučyŭsia na «trojki», nie pačnie dobra vučycca za miažoj. Kab žyć na śviecie, zusim nie abaviazkova mieć dyplom ab vyšejšaj adukacyi».
❏
Bolej na temu: Internet-kanferencyja kiraŭnicy Kamitetu dapamohi represavanym Iny Kulej adbyłasia na sajcie www.svaboda.org
Fota