U kinateatry «Maskva» zrobiać čatyry zały zamiest dvuch
Rekanstrukcyja kinateatra, raźmieščanaha na praśpiekcie Pieramožcaŭ, praciahvajecca: adkryćcio zapłanavana da Dnia Pieramohi, pišuć Minsk-naviny.
Fota: Minsk-naviny
«Rekanstrukcyja «Maskvy» aktyŭna praciahvajecca. Budaŭniki vykonvajuć azdablenčyja pracy, afarmlajuć zały, mancirujuć abstalavańnie, dobraŭparadkoŭvajuć prylehłuju terytoryju. Unutranaje napaŭnieńnie budynka źmienicca, ale autentyčnaść samoha budynka pastaralisia zachavać», — adznačyŭ namieśnik staršyni Minharvykankama Alaksandr Černikaŭ.
Rabočyja demantavali technałahičnaje abstalavańnie i amal usie ŭnutranyja pieraharodki, uzmacnili kanstrukcyi, adnavili dach, razabrali i zbudavali dźvie leśvicy, ustanavili santechničnaje abstalavańnie i sistemy vientylacyi.
Adna z hałoŭnych źmien — pierapłaniroŭka załaŭ. Paśla adkryćcia zamiest dźviuch budzie funkcyjanavać čatyry kinateatralnyja zali: dva raźličanyja na 48 miescaŭ, adzin na 654 miescy i jašče adna na 233.
U siaredni=iaj pa pamiery zale taksama skončanaja čystavaja adździełka, amal zavieršana kładka padłohavaha pakryćcia. Naprykancy lutaha budaŭniki źbirajucca zaniacca mantažom kresłaŭ.
Asablivyja ciažkaści vyklikała zała, dzie raniej vystupaŭ Teatr-studyja kinaakciora. Tam daviałosia całkam zamianić belki pierakryćcia, bo jany stracili niesučuju zdolnaść. Akramia adnaŭleńnia dachu, abšyli ścieny i abstalavali scenu. Siońnia ŭsie čarnavyja raboty zavieršany, idzie azdableńnie.
Zastaŭsia ŭ svaim pieršapačatkovym vyhladzie vitraž «Maskva — stalica našaj Radzimy», jaki maje status historyka-kulturnaj kaštoŭnaści.
Fasad častkova demantavali, ale nie kranuli 15 miednych ščytoŭ nad uzroŭniem druhoha paviercha, jakija simvalizujuć respubliki byłoha SSSR, a taksama aryhinalnuju padśvietku.