U Mahilovie ludzi masava kantaktavali z zaražanaj šalenstvam žyviołaj
Situacyja z šalenstvam u abłasnym centry i Mahiloŭskim rajonie zastajecca napružanaja.
Zdymak ilustracyjny
U 2025 hodzie ŭ Mahilovie i Mahiloŭskim rajonie vyjaŭlena piać vypadkaŭ šalenstva siarod žyvioł: heta dźvie lisy, janotapadobny sabaka, aleń i chatni sabaka.
U adnym z vypadkaŭ ludzi masava kantaktavali z zaražanaj žyviołaj, paviedamiŭ abłasny centr hihijeny i epidemijałohii.
U 2024 hodzie ŭ Mahilovie i rajonie było zarehistravana vosiem vypadkaŭ šalenstva siarod žyvioł: janotapadobny sabaka, try lisy, dva chatnija sabaki, adzin biazdomny sabaka i kunica. Da kantaktu ź dzikaj žyviołaj sabaki nie byli pryščeplenyja suprać šalenstva.
U dvuch vypadkach byŭ masavy kantakt ludziej z chvoraj na šalenstva žyviołaj. Tak, u vieraśni bolš za 70 čałaviek kantaktavali z zaražanymi šalenstvam ščaniukami.
Šalenstva — heta vostraje virusnaje infiekcyjnaje zachvorvańnie, jakoje paražaje niervovuju sistemu. Šalenstva śmiarotna niebiaśpiečna dla čałavieka: paśla źjaŭleńnia pieršych simptomaŭ śmiarotny vynik harantavany. Tamu paśla ŭkusu žyvioły važna adrazu ž źviarnucca da miedykaŭ i prajści terapiju.