Marka Rubia pahavaryŭ pa telefonie z Łaŭrovym
Pra razmovu stała viadoma z paviedamleńnia rasijskaha MZS. Viedamstva śćviardžaje, što jana adbyłasia siońnia pa inicyjatyvie amierykanskaha boku.
Pavodle jahonych danych, abmiarkoŭvałasia źniaćcie atrymanych u spadčynu ad administracyi Bajdena barjeraŭ na šlachu «ŭzajemavyhadnaha handlova-ekanamičnaha i inviestycyjnaha supracoŭnictva».
Čynoŭniki paznačyli ŭzajemny nastroj na ŭzajemadziejańnie pa Ukrainie, Paleścinie i ŭ cełym na Blizkim Uschodzie.
Taksama rasijski MZS paviedamiŭ, što ŭ samy bližejšy čas projdzie sustreča dla ŭzhadnieńnia krokaŭ pa ŭzajemnym źniaćci pieraškod dla pracy zamiežnych pradstaŭnictvaŭ Rasii i ZŠA.
Akramia taho, Rubia i Łaŭroŭ nibyta damovilisia ab rehularnych kantaktach, u tym liku dla padrychtoŭki rasijska-amierykanskaj sustrečy na vyšejšym uzroŭni.
Pres-reliz amierykanskaha boku pakul nie publikavaŭsia.