Łatvijca asudzili da 6 hadoŭ kałonii za «dyskredytacyju Biełarusi» i «zakliki da sankcyj»
Sutnaść abvinavačvańnia nieviadomaja, a praces prachodzić u zakrytym režymie.
U Minskim abłasnym sudzie hramadzianina Łatvii Juryjsa Haninsa asudzili da šaści hadoŭ kałonii va ŭmovach uzmocnienaha režymu pavodle troch artykułaŭ Kryminalnaha kodeksa: «dyskredytacyja Biełarusi» (art. 369-1 KK), «paklop na Łukašenku» (č. 2 art. 367 KK) i «zakliki da sankcyj» (č. 2 art. 361 KK), piša «Viasna»
Sudździa Alaksandr Rybakoŭ vynies prysud jašče 19 lutaha, ale pra jaho stała viadoma tolki ciapier.
Sutnaść abvinavačvańnia nieviadomaja, a praces prachodzić u zakrytym režymie. Kryminalnuju spravu suprać hramadzianina Łatvii razhladali ŭ sudzie z 12 listapada 2024 hoda pa 19 lutaha 2025 hoda.
Ahułam u biełaruskich miescach niavoli ŭtrymlivajucca 36 palitźniavolenych zamiežnych hramadzian, siarod ich — čatyry hramadzianina Łatvii.