Na adnym z samalotaŭ «Biełavija» adklučyłasia sistema papiaredžańnia sutyknieńniaŭ u pavietry
Pozna ŭviečary 16 sakavika na samalocie «Biełavija», jaki vykonvaŭ rejs z Maskvy ŭ Minsk, admoviła sistema TCAS. Hetaja sistema manitoryć prastoru vakoł samalota i papiaredžvaje ab imaviernaści sutyknieńnia ź inšymi pavietranymi sudnami.
Jak paviedamlaje telehram-kanał Aviaincident, pra heta a 23:28 maskoŭskaha času (supadaje ź minskim) paviedamiŭ ekipaž, kali samalot byŭ na vyšyni 26 900 futaŭ na poŭdzień ad Rževa.
Kamandzir ekipaža ŭchvaliŭ rašeńnie praciahvać palot, a 0:35 samalot pryziamliŭsia ŭ Minsku, dapamoha pa prybyćci nie spatrebiłasia.
Samalot ERJ-175 vykonvaŭ rejs BRU916 z maskoŭskaha aeraporta «Šaramiećcieva» ŭ Minsk.
Čytajcie taksama:
«Biełavija» skasavała biaspłatnuju opcyju vybaru miesca na samalocie
«Biełavija» zapuściła pieršy rejs u Aman
Samalot ź Minska ŭ Sočy byŭ nakiravany ŭ Tbilisi, a rejs na Batumi ŭvohule admianili