Na fabrycy ŭ Słucku zahinuŭ elektramancior: jaho źbiŭ niedaśviedčany kiroŭca pahruzčyka
Kiroŭcu nie chapiła ŭvažlivaści, i jon źbiŭ kalehu na pracoŭnym miescy.
Fota: Śledčy kamitet
Na fabrycy ŭ Słucku na pracoŭnym miescy zahinuŭ 40-hadovy elektramancior.
Pavodle danych śledstva, dniom 12 sakavika 31-hadovy kiroŭca pahruzčyka ruchaŭsia pa niaroŭnaj pavierchni terytoryi pradpryjemstva. Z-za nieaściarožnaści i niaŭvažlivaści jon najechaŭ na elektramanciora. Mužčyna atrymaŭ traŭmy, niesumiaščalnyja z žyćciom.
Papiarednie, kiroŭca pahruzčyka pierad pačatkam ruchu nie pierakanaŭsia ŭ biaśpiecy, što i pryviało da trahiedyi. U Śledčym kamitecie adznačyli, što jon pracavaŭ pa śpiecyjalnaści mienš za miesiac.
Śledčyja raspačali kryminalnuju spravu pa artykule ab pryčynieńni śmierci pa nieaściarožnaści.