Elektronnuju vizu ŭ Biełaruś zamiežniki zmohuć atrymać z 20 sakavika
Zamović vizu možna budzie na partale «Je-pasłuha».
Pra heta na pres-kanfierencyi paviedamiła načalnica adździeła elektronnaj kamiercyi Nacyjanalnaha centra elektronnych pasłuh (NCEP) Śviatłana Karanievič, piša BiełTA.
NCEP zaviaršyŭ pracu nad prajektam elektronnaj vizy, i z 20 sakavika novaja elektronnaja pasłuha startuje na partale. Prajekt realizavany sumiesna ź Ministerstvam zamiežnych spraŭ i daść mahčymaść zamović i atrymać ujaznuju vizu ŭ Biełaruś u elektronnym vyhladzie.
Atrymalnikami pasłuhi źjaŭlajucca fizičnyja asoby — nierezidenty Biełarusi. Dostup da afarmleńnia elektronnych viz ažyćciaŭlajecca praź niastrohuju aŭtentyfikacyju (z vykarystańniem łahina i parola abo z dapamohaj źniešnich servisaŭ aŭtentyfikacyi — Google, Apple).
U vyniku zamiežnik atrymaje paviedamleńnie ab vydačy vizy i pdf-fajł elektronnaj vizy pa formie, zaćvierdžanaj vizavymi praviłami.
Dla vieryfikacyi elektronnaj vizy nieabchodna adskanavać QR-kod elektronnaj vizy ŭ mabilnym dadatku «Je-Pasłuha».
Z 20 sakavika ŭstupajuć u siłu źmieny ŭ vizavyja praviły Biełarusi ŭ adpaviednaści z pastanovaj Savieta Ministraŭ, u tym liku ŭ častcy vydačy ŭjaznych elektronnych viz u Respubliku Biełaruś praz ahulnadziaržaŭnuju aŭtamatyzavanuju infarmacyjnuju sistemu.