Stała viadoma ab zatrymańni papularyzatara navuki z Homiela
Dźmitryja Novikava zatrymali razam z hramadzianskaj žonkaj Viktoryjaj Razuvanavaj u kastryčniku 2024 hoda, piša «Fłahštok».
Dźmitryj Novikaŭ. Fota: sacsietki
Pryčynami dla zatrymańnia milicyjaj stali fotazdymki ź mitynhu 2020 hoda, jakija znajšli ŭ telefonie Novikava, udakładniajuć žurnalisty.
Sud nad Dźmitryjem pavinien pačacca ŭ kancy sakavika pa abvinavačvańni ŭ hrubym parušeńni paradku (artykuł 342 KK).
U jakim statusie znachodzicca Razuvanava, nieviadoma.
Dźmitryj Novikaŭ viadomy ŭ Homieli pa mianušcy Ahniavit jak aŭtar-vykanaŭca, papularyzatar navuki, krajaznaŭca, błohier. U apošni čas jaho dziejnaść była źviazana z papularyzacyjaj archieałohii i paleantałohii.
Siarod jaho prajektaŭ — telehram-kanał «Bajki dziadziečki Ahniavita», sajt PaleoNews i jutub-kanał z daviednikam pa Biełarusi.