Budaŭnika, jaki doŭhi čas žyŭ u Rasii, asudzili ŭ Viciebsku za palityku. A ciapier abviaścili «terarystam»

Sud nad Maksimam Staraścienkam skončyŭsia miesiac tamu, ale jahonaja asoba stała viadomaja tolki ciapier.

Maksim Staraścienka. Fota ź jahonaj staronki Ukantakcie

Maksimu Staraścienku 37 hadoŭ. Jon ź Viciebska. Niekalki hadoŭ Maksim pracavaŭ u Rasii, zbolšaha ŭ budaŭničych arhanizacyjach. Žyŭ jon u Maskvie.

Chłopiec zajmajecca sportam i lubić padarožničać. Taksama cikavicca muzykaj roznych stylaŭ, časta chadziŭ na kancerty.

Apošni raz jon byŭ anłajn u vieraśni 2024 hoda.

Maksima asudzili 20 lutaha 2025 hoda ŭ Viciebskim abłasnym sudzie. Jaho vinavacili ŭ «raspalvańni varožaści» (č. 1 art. 130 KK) i «navučańni abo padrychtoŭcy asob da ŭdziełu ŭ masavych biesparadkach abo finansavańni ci inšym materyjalnym zabieśpiačeńni masavych biesparadkaŭ» (č. 3 art. 293 KK). Jamu pahražała da piaci hadoŭ źniavoleńnia.

U vyniku Staraścienku prysudzili termin u kałonii, ale nieviadoma, jaki kankretna.

A ciapier KDB uklučyŭ chłopca ŭ śpis asobaŭ, datyčnych da terarystyčnaj dziejnaści.

Kamientary da artykuła