Prezident Litvy zajaviŭ pra hatoŭnaść nakiravać vojski va Ukrainu
Litva hatovaja adpravić svaich vajskoŭcaŭ va Ukrainu paśla spynieńnia ahniu, zajaviŭ u intervju Bloomberg TV prezident krainy Hitanas Naŭsieda.
Litoŭskija vajskoŭcy na paradzie ŭ Vilni. Fota: Mindaugas Kulbis / AP
«Maja kraina hatovaja akazać nieabchodnuju padtrymku. My havorym pra całkam kankretnuju kolkaść našych vajskoŭcaŭ, ale ŭsie krainy kaalicyi pavinny ŭziać na siabie abaviazacielstvy pa pradastaŭleńni takoj padtrymki», — skazaŭ jon.
Naŭsieda nie ŭdakładniŭ, kolki vajskoŭcaŭ hatovaja vydzielić Litva dla «miratvorčaj misii». U siaredzinie sakavika The Times paviedamlała, što jeŭrapiejskija krainy płanujuć nakiravać va Ukrainu kala 10 tysiač čałaviek u jakaści miratvorcaŭ.