Ban dla biełaruskich lehkaatletaŭ praciahnuty
Mižnarodnaja asacyjacyja fiederacyj lohkaj atletyki (World Athletics) padoŭžyła adchileńnie biełaruskich i rasijskich spartoŭcaŭ ad udziełu ŭ mižnarodnych spabornictvach, paviedamiŭ kiraŭnik arhanizacyi Sebaśćian Kou.
«Rada pryniała rekamiendacyju nakont udziełu Biełarusi i Rasii ŭ mižnarodnych turnirach. Rada ličyć sankcyi adekvatnymi i nie bačyć patreby ich zamianiać, dapaŭniać ci źmianiać — kali tolki situacyja nie pahoršycca abo nie budzie dasiahnuta mirnaja damova», — skazaŭ Kou.
Va Usierasijskaj fiederacyi lohkaj atletyki z 2015 hoda prypynienaje siabroŭstva ŭ World Athletics z-za dopinhavaha skandału. Z 2022 hoda spartoŭcy z Rasii i Biełarusi nie vystupajuć na mižnarodnaj arenie z pryčyny vajny va Ukrainie. Takim čynam biełarusy znoŭ nie zmohuć uziać udzieł u čempijanacie śvietu pa lohkaj atletycy i inšych spabornictvach.