Stała viadoma, što ŭ pakietach z łukašenkaŭskaj simvolikaj, jakija dajuć ukrainskim pałonnym pierad abmienam
Rasija i Ukraina pravodziać abmieny vajennapałonnymi na terytoryi Biełarusi. Ukraincy viartajucca na radzimu z pakietami ź biełaruskaj dziaržsimvolikaj. Tajamnicu hetych pakietaŭ raskryli ŭkrainskija žurnalisty pa prośbie «Fłahštoka».
Vyzvaleny ŭkrainski vajennapałonny na pamiežnym pierachodzie Novaja Huta — Novyja Jaryłavičy. Fota: Pamiežnaja słužba Ukrainy
Abaronca Čarnobylskaj AES Dźmitryj Kihim, jaki pravioŭ u rasijskim pałonie amal try hady, raskazaŭ, što ŭ pakietach samyja prostyja rečy.
Zvyčajna tam lažać hrečka, tušonka, piečyva i vada.
Upieršyniu pakiety z łukašenkaŭskaj simvolikaj u rukach ukrainskich pałonnych zaŭvažyli ŭ vieraśni 2024 hoda padčas abmienu na adnym ź pierachodaŭ na miažy Biełarusi i Ukrainy. Biełaruskija prapahandysty potym patłumačyli, što ŭ pakietach lažyć suchpajok.
Pry hetym u rasijskich vajskoŭcaŭ, jakija trapili na videa pa darozie ad biełaruskaj miažy da Homiela, takich pakietaŭ nie było.
Čytajcie taksama:
Ukrainskim pałonnym siońnia pierad abmienam uručyli pakiety z łukašenkaŭskaj simvolikaj