Šmatpakutny hadzińnik Franaka Viačorki znajšoŭ uładalnika
Kamu jon dastaŭsia i za kolki?
Fota z fejsbuka Franaka Viačorki
Na minułym tydni hałoŭny daradca Śviatłany Cichanoŭskaj Franak Viačorka vystaviŭ na aŭkcyjon svoj hadzińnik, padorany jamu niekalki hadoŭ tamu adnym biznesoŭcam.
Jon adznačyŭ, što addaść hadzińnik tamu čałavieku, chto zrobić najbolšy danat «na dobruju biełaruskuju spravu, dapamohu palitviaźniam, našym vajaram va Ukrainie ci vieteranam». Aŭkcyjon mieŭsia ciahnucca da 25 sakavika.
Alaksandr Kuŭšynaŭ
Amal adrazu cikavaść da jaho prajaviŭ biznesoviec Alaksandr Kuŭšynaŭ, pierabiŭšy bujnymi staŭkami, apošniaj była staŭka 5000 dalaraŭ.
Aŭkcyjon skončyŭsia pierad dniom naradžeńnia Franaka Viačorki, jakomu 26 sakavika spoŭniłasia 37 hadoŭ.