Na Dzień Voli soniečna, jasna, plus 15 hradusaŭ ciapła
A naohuł nadvorje na hetym tydni budzie niaŭstojlivym: ad minus 7 hradusaŭ unačy da plus 18 na poŭdni.
«U minułyja vychadnyja dni ŭ Biełaruś pryjšła sapraŭdnaja viasna — tempieratura pavietra była na 5‑10 hradusaŭ vyšejšaja za klimatyčnuju normu. Dzionnaja tempieratura skłała 6‑13 hradusaŭ ciapła, a na paŭdniovym zachadzie krainy paciapleła da 15 hradusaŭ.
Takoje aktyŭnaje ciapło pryviało da burnaha rastavańnia śniehu. U paŭdniova‑zachodniaj častcy Biełarusi śnieh praktyčna rastaŭ. Na paŭnočnym uschodzie vyšynia śniežnaha pokryva vahajecca ad 1 da 28 sm», — raskazała Volha Fiadotava.
Na hetym tydni nadvorje abiacaje być niaŭstojlivym. U aŭtorak, 23 sakavika, istotnych apadkaŭ nie čakajecca, tolki ŭ paŭnočna‑zachodnich rajonach projdzie nievialiki doždž. Nočču i ranicaj miescami słaby tuman. Na asobnych učastkach daroh hałalodzica.
Tempieratura pavietra nočču panizicca da 7 hradusaŭ marozu.
Udzień u paŭnočnaj častcy respubliki čakajecca 2 hradusy ciapła, na poŭdni krainy — da 11 hradusaŭ vyšej za nul.
U sieradu ruchomy atłantyčny cykłon pryniasie ŭ Biełaruś apadki — u načnyja hadziny na bolšaj častcy terytoryi respubliki čakajecca doždž. Udzień karotkačasovy doždž projdzie ŭ paŭnočna‑ŭschodnich rajonach. Tempieratura pavietra ŭdzień budzie vahacca ad 3 da 10 hradusaŭ ciapła. Na paŭdniovym zachadzie słupok termomietra pakaža plus 14 hradusaŭ.
Pavodle słoŭ Volhi Fiadotavaj, u čaćvier, 25 sakavika, naša kraina znoŭ apyniecca pad uładaj vobłaści pavyšanaha atmaśfiernaha cisku. Apadkaŭ nie čakajecca. Pad ranicu miescami mahčymy tuman. Tempieratura pavietra nočču składzie ad 5 hradusaŭ marozu da 1 hradusa ciapła. U paŭnočna‑ŭschodnich rajonach čakajecca minus 8 hradusaŭ.
Udzień sakavickaje sonca prahreje pavietra da 6‑13 hradusaŭ, a ŭ Bresckaj vobłaści — da 15 hradusaŭ vyšej za nul.
U piatnicu na terytoryju Biełarusi pačnuć pastupać pavietranyja masy z paŭdniovaha zachadu Jeŭropy, jakija pryniasuć ciopłaje, ale vietranaje nadvorje. Budzie pieravažna biez apadkaŭ, tolki ŭdzień na paŭnočnym zachadzie mahčymy karotkačasovy doždž.
Tempieratura pavietra budzie vahacca ad 7 hradusaŭ ciapła na poŭnačy da 18 hradusaŭ ciapła ŭ paŭdniovych rajonach. Praŭda, paryvisty paŭdniova‑ŭschodni viecier budzie krychu źmianšać adčuvańnie ciapła.
U vychadnyja dni nadvorje budzie zastavacca niaŭstojlivym. Pad upłyvam paŭdniovaha cykłonu, jaki budzie pieramiaščacca praz zachodnija rajony Biełarusi da paŭnočnaha ŭschodu, u hetyja dni ŭ mnohich rajonach krainy projduć daždžy, a dzie‑nidzie ŭ subotu mahčymy navalnicy.
Tempieratura pavietra składzie 9‑16 hradusaŭ ciapła, na paŭdniovym uschodzie — plus 18 hradusaŭ.
U niadzielu, 28 sakavika, pa miery pieramiaščeńnia cykłonu i pastupleńnia na terytoryju respubliki bolš chaładnavataha pavietra z Zachodniaj Jeŭropy, stanie na paru hradusaŭ chaładniej. Ale ŭ cełym, adznačyła Volha Fiadotava, tempieraturny fon hetaha tydnia budzie na 5‑10 hradusaŭ vyšejšy za klimatyčnuju normu.