Kancert hurta Metallica vyklikaŭ nievialiki ziemlatrus
Kancert amierykanskaha rok-hurta Metallica ŭ Błekśbierhu (štat Virdžynija) vyklikaŭ nievialiki ziemlatrus, paviedamlaje Fox. I heta nie žart.
Padčas kancertu Metallica. Zdymak ilustracyjny. Fota: Jeremychanphotography/Getty Images
Metallica vystupała na miascovym futbolnym stadyjonie. Padčas vykanańnia intra da pieśni Enter Sandman 60 000 naviedvalnikaŭ kancerta stali aktyŭna skakać, što i vyklikała ziemlatrus.
Heta paćvierdziła siejsmałahičnaja absiervatoryja Virginia Tech (VTSO) — pik padziemnych šturškoŭ supaŭ z časam pačatku vykanańnia Enter Sandman. Dyrektar absiervatoryi Marcin Čepmien dadaŭ, što šturški zafiksavaŭ siejsmohraf, raźmieščany prykładna za paŭtara kiłamietra ad stadyjona. Praŭda, šturški byli nie takija mocnyja, kab ich možna było vymierać pa škale Rychtara.
Niahledziačy na niezvyčajnaść padziei, jana nie źjaŭlajecca adzinkavaj. Padobnyja incydenty ŭžo fiksavalisia na kancertach inšych znakamitaściaŭ. Naprykład, u 2024 hodzie ziamla ŭ Jeŭropie ŭzdryhvała padčas kancertaŭ amierykanskaj śpiavački Tejłar Śvift. Heta adbyłosia navat niekalki razoŭ: pieršy — padčas vystupu ŭ šatłandskim Edynburhu, druhi — u šviejcarskim Ciurychu.
Čytajcie taksama:
Ozi Osbarn i Black Sabbath anansavali finalny kancert
Laŭčuk daść pieršy kancert paśla naradžeńnia dziciaci
Źjavilisia FOTY z vystupleńnia Viktara Coja ŭ Minsku ŭ 1989 hodzie