6 krasavika — jubilejnaja viečaryna Barysa Kita

Minsk, Pałac mastactva (vuł. Kazłova, 3). 17.00.

6 krasavika 100-hadovy jubilej adznačyć słynny dziejač biełaruskaj emihracyi, suśvietna viadomy vučony Barys Kit.

Z hetaj nahody MHA «Zhurtavańnie biełarusaŭ śvietu «Baćkaŭščyna» ŭ miežach arhkamitetu pa śviatkavańni 100-hadovaha jubileju Barysa Kita ŭ dzień naradžeńnia jubilara ładzić śviatočnuju viečarynu.

Padčas imprezy Barysa Kita buduć vinšavać: akademik Radzim Harecki, narodnaja artystka Biełarusi Zinaida Bandarenka, paet Siarhiej Zakońnikaŭ, hałoŭny redaktar haziety «Narodnaja Vola» Iosif Siaredzič, piśmieńniki Uładzimir Arłoŭ i Vasil Jakavienka (staršynia arhkamitetu pa śviatkavańni 100-hadovaha jubileju Barysa Kita).

Padčas viečaryny budzie začytanaje vitańnie ad jubilara. Zrobić heta davieranaja asoba Barysa Kita, Lidzija Savik. Muzyčnym upryhožańniem imprezy stanuć vystupleńni bardaŭ Alesia Kamockaha i Taćciany Biełanohaj, a taksama zasłužanaha artysta Biełarusi Viktara Skorabahatava.

Na viečarynie budzie dziejničać vystava knih i dakumientaŭ, pryśviečanych jubilaru.

Mierapryjemstva adbudziecca 6 krasavika ŭ minskim Pałacy mastactva (vuł. Kazłova, 3).

Pačatak, a 17.00.

Uvachod volny.

Kamientary da artykuła