Cichanoŭskaja padpiavała himnu Litvy
Niekalki dzion tamu na litoŭskim TB zaŭvažyli, što Śviatłana Cichanoŭskaja dahetul nie vałodaje litoŭskaj movaj. Lidarka apazicyi zrabiła žest, skiravany da litoŭcaŭ.
Fota: Getty Images
Śviatłana i Siarhiej Cichanoŭskija naviedali ŭ Vilni štotydniovy mitynh u padtrymku Ukrainy, dzie vystupili z pramovami.
Pry kancy mitynhu jaho ŭdzielnikam uklučyli dziaržaŭny himn Litvy, i Śviatłana Cichanoŭskaja padpiavała jamu. U rukach Cichanoŭskaja trymała telefon — vyhladała, što jana sočyć za tekstam, kab nie pamylicca.
Śviatłana Cichanoŭskaja niekalki razoŭ abiacała, što pačnie vučyć litoŭskuju movu, ale ž joj nie chapaje na heta času. Na litoŭskim kanale LRT zaŭvažajuć, što i paśla tych abiacańniaŭ lidarka demsił kali i pramaŭlaje niešta pa-litoŭsku, to začytvaje taki tekst z papierki.
Čytajcie taksama:
Cichanoŭski: Pryjechaŭ by i pacisnuŭ Trampu ruku
«U nas supolny vorah — impierskaja Rasija». Cichanoŭskaja vystupiła na mitynhu ŭ padtrymku Ukrainy