Na čempijanacie Jeŭropy pa mastackaj himnastycy biełaruski zavajavali 8 miedaloŭ
Piać siarebranych i try bronzavyja miedali zavajavali biełaruskija spartsmienki na čempijanacie Jeŭropy pa mastackaj himnastycy, što prajšoŭ u Bremienie (Hiermanija) 16—18 krasavika.
U darosłych spabornictvach na ich rachunku siarebranaja i dźvie bronzavyja ŭznaharody. Zbornaja Biełarusi ŭ składzie Alaksandry Osipavaj, Ksienii Sankovič, Aliny Tumiłovič, Maryny Hančarovaj i Anastasii Ivańkovaj była druhoj u mnahaborstvie i treciaj u asobnych vidach (piać abručoŭ; try stužki i dźvie skakałki).
U indyvidualnym šmatborji Luboŭ Čarkašyna zaniała čaćviortaje miesca, ustupiŭšy rasijskim himnastkam Jaŭhienii Kanajevaj i Darji Kandakovaj, a taksama Alii Harajevaj z Azierbajdžana. Mielicina Staniuta była šostaj.
U miedalovym zaliku darosłych spabornictvaŭ pieramahła Rasija (4 załatyja i 1 siarebranaja ŭznaharody). Za joj raźmiaścilisia Italija (0, 2, 1), Biełaruś (0, 1, 2) i Azierbajdžan (0, 0, 1).
Kamanda biełaruskich junijorak u hrupavym praktykavańni zaniała druhoje miesca i nie kvalifikavałasia na I junackija Alimpijskija hulni‑2010, jakija projduć u Sinhapury. Ad Jeŭropy tam vystupić Rasija.
Junijorki Natalla Leščyk i Aryna Šarapa zaniali treciaje i čaćviortaje miescy ŭ indyvidualnych spabornictvach i trapili ŭ šaściorku lepšych himnastak Jeŭropy, jakija adpraviacca na junackuju Alimpijadu, paviedamlaje sajt Biełaruskaj asacyjacyi himnastyki.