Viciebsk: za aŭtorak na adnym z učastkaŭ prahałasavała 30% vybarcaŭ

Jak paviedamiŭ kandydat u Viciebski harsaviet ad Biełaruskaj chryścijanskaj demakratyi Uładzimir Ramanovič, 20 krasavika na 47-m vybarčym učastku Technałahičnaj akruhi daterminova prahałasavała kala 450 čałaviek z prykładna 1,5 tysiačy prypisanych. To bok, kala 30 adsotkaŭ vybarščykaŭ. Kali tak pojdzie i nadalej, kaža Uładzimir, vybary ŭžo možna i nie pravodzić.

Jak adznačyŭ kandydat, hałasujuć zbolšaha studenty Viciebskaha technałahičnaha ŭniviersitetu. Pavodle razmovaŭ sa studentami Uładzimir moža śćviardžać, što hałasujuć jany «dabraachvotna-prymusova».

«Mnie kazaŭ nie adzin čałaviek, što ich „vielmi prasili“ pryjści i prahałasavać daterminova», — kaža Ramanovič.

Kamientary da artykuła