Abjadnajem «Hazprom» i «Naftahaz»! Rasija biare Ŭkrainu za rohi
«My budziem razmaŭlać pra abmien aktyvami, a ŭ pierśpiektyvie — pra źlićcio kampanij», — paviedamiŭ žurnalistam staršynia «Hazproma» Alaksiej Miler. Rasijski ŭrad prapanuje taksama intehracyju ŭ atamnaj enerhietycy.
— Ja prapanuju abjadnać «Hazprom» i «Naftahaz», — skazaŭ u piatnicu prem'jer-ministr Rasii Uładzimir Pucin na pieramovach z kiraŭnikom ukrainskaha ŭradu Mikałajem Azaravym.
U piatnicu ŭ Sočy ŭradavyja delehacyi Rasii i Ukrainy musili abmierkavać bolš ciesnaje ekanamičnaje supracoŭnictva, asabliva ŭ śfiery enierhietyki i avijakaśmičnaj pramysłovaści. Heta pavinna było stać praciaham tak zvanaha Charkaŭskaha pakta «haz za fłot», padpisanaha na minułym tydni ŭ Charkavie prezidentami Rasii i Ukrainy Dźmitryjem Miadźviedzievym i Viktaram Janukovičam. Kijeŭ vyrašyŭ padoŭžyć prynamsi na 25 hadoŭ damovu pra raźmiaščeńnie vajskovych bazaŭ Čarnamorskaha fłotu Rasii ŭ Krymie, termin dziejańnia jakoj zakančvajecca ŭ 2017 hodzie. U svaju čarhu Maskva pahadziłasia ciaham najbližejšych 10 hadoŭ pradavać Ukrainie haz z
Ale akazałasia, što heta jašče nie ŭsio. U pačatku hetaha tydnia ŭrad Rasii prapanavaŭ Ukrainie abjadnać atamnuju enierhietyku, jakaja vyrablaje pałovu elektraenierhii va Ukrainie. U piatnicu da halinaŭ, što musiać intehravacca, Pucin dadaŭ hazavuju pramysłovaść.
Pavodle źviestak ahienctva «Interfaks», prapanova Pucina ašałamiła navat pradstaŭnikoŭ ukrainskich uładaŭ. Spačatku
Niečakanaja dla ŭkraincaŭ, prapanova Pucina, adnak, nie vyklikała ździŭleńnia ŭ «Hazpromie. «Pieramovy pačnucca adrazu paśla majskich śviataŭ. My budziem razmaŭlać pra abmien aktyvami, a ŭ pierśpiektyvie — pra źlićcio kampanij», — paviedamiŭ žurnalistam staršynia «Hazproma» Alaksiej Miler. Jon dadaŭ, što takim čynam Ukraina atrymaje dostup da hazavych radoviščaŭ u Rasii, a «Hazprom» zmoža inviestavać va ŭkrainskija trubapravody, praź jakija tranzit rasijskaha hazu ŭ Jeŭropu składaje 80 pracentaŭ.
Faktyčna ž, heta budzie pahłynańnie Rasijaj ukrainskaj hazavaj pramysłovaści. Na dumku rasijskich ekśpiertaŭ, u kampanii, paŭstałaj u vyniku źlićcia «Hazproma» i «Naftahaza», Ukraina mieła b tolki mizernyja 6% akcyj i nijakaha ŭpłyvu na pryniaćcie rašeńniaŭ.
Hetaje źlićcio taksama pieradvyznačyła b intehracyju Ukrainy i Rasii. «Źlićcio «Hazproma» i «Naftahaza», supracoŭnictva ŭ jadravaj halinie, padaŭžeńnie damovy ab raźmiaščeńni Čarnamorskaha fłotu ŭ Sievastopali — usio heta pachnie intehracyjaj. Prablema tolki ŭ tym, nakolki hetaja intehracyja budzie tryvałaj», — kaža palitołah Mark Urnoŭ.