Polskaje MZS ustrymałasia ad kamientavańnia vykazvańniaŭ Łukašenki
31 kastryčnika padčas naviedvańnia Lepielskaha rajona Alaksandr Łukašenka siarod inšaha zajaviŭ, što adkryćcio polska-biełaruskaj miažy pavinna było supravadžacca abmienam Andreja Pačobuta i kahości z palakaŭ na biełaruskich špijonaŭ, zatrymanych u Polščy Ale ciapier, maŭlaŭ, damoŭlenaści admianiajucca, bo Polšča adkłała adkryćcio miažy ŭ znak salidarnaści ź Litvoj. Polskaje MZS admoviłasia heta kamientavać.
Andrej Pačobut
«My chočam, kab Andrej Pačobut jak maha chutčej pakinuŭ turmu. My nie budziem kamientavać paviedamleńni ni KDB, ni Łukašenki», — zajaviŭ u razmovie z vydańniem Interia pradstaŭnik MZS Polščy Maciej Vieviur.
Raniej Polšča vykazvała namier ź listapada adkryć na miažy ź Biełaruśsiu dva punkty propusku, ale ŭ suviazi z arhanizavanaj ź Biełarusi atakaj na Litvu pry dapamozie kantrabandysckich mieteazondaŭ adkłała hetyja dziejańni jak minimum na dva tydni.
Čytajcie taksama:
Łukašenka: Polšča sarvała abmien Pačobuta
Polšča prybrała častku pieraškod na pamiežnym pierachodzie «Kuźnica»
«U palakaŭ usio hatova». Što kažuć pra mahčymaje adkryćcio «Bruzhoŭ» i «Bierastavicy»?
«Jon sapraŭdy jak mała chto zasłužyŭ jaje» — Milinkievič pra premiju dla Pačobuta
MZS: Nie premjeru Polščy ci Litvy vyrašać, kali adkryć miažu