Machlary vymanili ŭ žychara Baranavičaŭ 16 tysiač rubloŭ i adpravili pa dakumienty ŭ Kazachstan
Machlary pad vyhladam afarmleńnia vizy ŭ ZŠA vymanili ŭ 30‑hadovaha žychara Baranavičaŭ bolš za 16 tysiač rubloŭ.
Mužčyna znajšoŭ u internecie sajt, na jakim prapanoŭvalisia chutkija i jakasnyja pasłuhi pa adkryćci vizy ŭ ZŠA. Jaho administratary navat padzialilisia kantaktami byłych klijentaŭ, pahavaryŭšy ź jakimi, małady čałaviek pačuŭ zachoplenyja vodhuki pra firmu i paśpiachova atrymanyja vizy. Žychar Baranavičaŭ pavieryŭ u nadziejnaść kampanii i pieravioŭ na ŭkazany rachunak naležnuju sumu.
«Dla kančatkovaha afarmleńnia dakumientaŭ jamu treba było lacieć u Kazachstan. Prylacieŭšy na miesca i pryjechaŭšy pa ŭkazanym adrasie, jon pabačyŭ zakryty budynak. Telefony, pa jakich mužčyna raniej mieŭ znosiny z kansultantami i klijentami, akazalisia niedastupnyja», — raskazali padrabiaznaści va UUS.
Śledčyja zaviali kryminalnuju spravu pa č.3 art.209 (machlarstva ŭ bujnym pamiery) KK.