U Homieli raskryli zabojstva dzieviacihadovaj dziaŭčynki, ździejśnienaje ŭ 1991-m. Jaje zabiŭ 11‑hadovy brat
U listapadzie 91‑ha hoda na pustyry ŭ adnym z rajonnych centraŭ Homielščyny minak pabačyŭ trup 9‑hadovaj dziaŭčynki. Vyznačyć zabojcu tady nie ŭdałosia, adnak ciapier jaho znajšli.
Ciapier atrymany dokazy datyčnaści da złačynstva na toj momant 11‑hadovaha rodnaha brata zahinułaj, paviedamlaje pres-słužba MUS.
Zaraz 45‑hadovy mužčyna, nieadnarazova sudzimy za kradziažy, pryznaŭsia, što za niekalki dzion da trahiedyi vykraŭ z terytoryi škoły rovar. Jahonaja siastra heta bačyła i pryhraziła raskazać baćku.
Viartajučysia dadomu paśla ŭrokaŭ, chłopčyk pavaliŭ dziaŭčynku na ziamlu i zadušyŭ. Zatym adnios cieła na pustku, źniaŭ usio adzieńnie i zamaskiravaŭ suchoj travoj.