Stała viadoma, što zdaryłasia z chłopčykam, jakoha rasčlanili i kinuli ŭ sažałku ŭ Maskvie
U zabojstvie padazrajuć ajčyma. A maci chłopčyka jamu mahła dapamahać.
Fota: prakuratura Maskvy
Siońnia ŭ Maskvie ŭ Haljanaŭskaj sažałcy znajšli pareštki dziciaci. U zaplečniku była hałava chłopčyka 7‑10 hadoŭ. Zabojstva adbyłosia, mierkavana, niekalki dzion tamu.
Ciapier stała viadoma bolš detalaŭ hetaj spravy.
Cieła chłopčyka znajšli ŭ kvatery ŭ padmaskoŭnaj Bałašysie, na bałkonie. Rasijskija kanały pišuć, što ŭ zabojstvie padazrajuć ajčyma. Mužčyna, pavodle hetaj viersii, zabiŭ chłopčyka i rasčlaniŭ cieła. A maci dapamahała zamiatać ślady — pakłała hałavu syna ŭ zaplečnik i vykinuła ŭ sažałku.
Pavodle źviestak kanała «Baza», maci i jaje sužyciela zatrymali. Maci krychu bolš za 30 hadoŭ, jana, jak piša «Baza», mieła prablemy ź psichikaj i ŭžyvała rečyvy, brała mikrazajmy. Na pracy doŭha nidzie nie zatrymlivałasia. Apošni raz jaje zvolnili z kramy «Mahnit» za rehularny pierahar.