Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy
Babrujski aktyvist skanaŭ u šełtary ŭ Biełastoku, kudy jaho adpuścili sa špitala čakać suda.
69‑hadovy Uładzimir Usier ź psieŭdanimam Łazaraŭ. Skrynšot ź filma BT «Čužoje nieba», dla jakoha Uładzimir źniaŭ sam siabie i siabra, dumajučy, što stvaraje kadry «dla fondaŭ»
Jak stała viadoma «Našaj Nivie», pamior Uładzimir Usier. Apošnim časam jon žyŭ u šełtary Caritas u Biełastoku. U byłoha babrujskaha aktyvista spyniłasia serca. Usieru było 69 hadoŭ.
Uładzimir apošnim časam byŭ pad śledstvam pa spravie ab špijanažy ŭ Polščy. Pavodle źviestak polskaj prakuratury, troje biełarusaŭ i dvoje ŭkraincaŭ z sakavika 2024 hoda da lutaha 2025‑ha supracoŭničali z zamiežnaj raźviedkaj i vykonvali roznyja zadańni, jakija atrymlivali z paviedamleńniaŭ u telehramie.
U ich zadačy ŭvachodziła fatahrafavańnie abjektaŭ krytyčnaj infrastruktury i miescaŭ, važnych dla biaśpieki dziaržavy. Akramia taho, jany pavinny byli raźviešvać płakaty i malavać hrafici.
Pa hetaj spravie zatrymali i Usiera. Ale siłaviki pakinuli jaho ŭ špitali praz drenny stan zdaroŭja. Suda jon čakaŭ na voli.
Jašče raniej Usier ulapaŭsia ŭ prapahandyscki film BT. Jon źniaŭ niekalki siužetaŭ u Biełastoku, jakija potym vykarystali ŭ ahitcy «Čužoje nieba».
Čytajcie taksama:
U Polščy zatrymali za špijanaž troch biełarusaŭ i dvuch ukraincaŭ
U zatrymanaha ŭ Polščy taksista-špijona znajšli śpis biełarusaŭ, za jakimi jon mieŭ zadańnie sačyć