Čatyry kampanii ź biełaruskimi karaniami zdoleli prabicca ŭ top-2000 najbujniejšych biznesaŭ Polščy

Upłyvovaje vydańnie Rzeczpospolita pa vynikach 2024 hoda ŭklučyła 4 kampanii, jakija majuć biełaruskija karani, u Lista2000 najbujniejšych kampanij Polščy. U paraŭnańni z papiarednim śpisam ich stała na adnu bolš. Usie jany, niahledziačy na padzieńnie siaredniaha pakazčyka ŭdzielnikaŭ rejtynhu, pavialičyli svaju vyručku, piša vydańnie «Biełorusy i rynok».

Samaja vysokaja pazicyja ŭ biełarusaŭ u Lista2000 u EPAM Systems (Poland) — 361-ja.

Letaś prodažy viadomaha IT-biznesu vyraśli na 0,7% da 1,936 miljarda złotych (kala 532,4 miljona dalaraŭ), što dazvoliła jamu padniacca ŭ rejtynhu na čatyry radki.

U pieršuju tysiaču (z 1131‑ha na 803‑ie miesca) padniaŭsia ŭ Lista2000 apieratar sietki dyskontnych AZS E100 Power Max.

Hetaja kampanija, jakuju kantralujuć eks-bieraściejcy Uładzimir i Maksim Stajeckija, zarabiła za razhladany pieryjad 998,2 miljona złotych (274,5 miljona dalaraŭ). Heta na 42,1% bolš, čym było hodam raniej.

Prykmietny prahres bujnoha łahistyčnaha biznesu Tels Global Polska, jaki naležyć Uładzimiru Tajanku i Ivanu Šachoviču.

U 2023‑m kampanija zajmała 1583‑ie miesca z vyručkaj 505,2 miljona złotych (138.9 miljona dalaraŭ). Pa vynikach minułaha hoda apieratar padniaŭsia na 1411‑y radok, dziakujučy rostu vyručki da 580,9 miljona złotych (159,75 miljona dalaraŭ).

Narešcie, upieršyniu ŭ rejtynh Rzeczpospolita ŭvajšło polskaje padraździaleńnie vytvorcy i dystrybutara IT-hadžetaŭ Asbis Poland.

Z abjomam vyručki 472,9 miljona złotych (130,05 miljona dalaraŭ) hetaja kampanija zaniała 1762‑ie miesca. Vyručka Asbis Poland vyrasła na bolš čym 25%.

U cełym, jak adznačajuć aŭtary rejtynhu, siaredni pakazčyk pa vyručcy ŭsich udzielnikaŭ rejtynhu akazaŭsia na 3,4% nižejšy za viersii pa stanie na 2023 hod.

Kamientary da artykuła