U Biełarusi vypuścili ružovy syr z vodaram prasieka

U biełaruskich kramach znoŭ źjaviŭsia ružovy syr «Čajnaja ruža». Hurmany pamiatajuć jaho pa raniejšych pastaŭkach, ale paśla jon na peŭny čas źnik z prodažu. Ciapier vytvorca viarnuŭ hety pradukt, ale ŭ abmiežavanaj śviatočnaj partyi i ŭ abnoŭlenym varyjancie, piša Tochka.by.

Fota: instagram.com/belovezhskie

Brend «Biełaviežskija syry» paviedamiŭ, što nadaŭ syru jarki ružovy koler dziakujučy sublimavanym jahadam. Pa słovach vytvorcy, smak spałučaje lohkuju malinavuju kiślinku i vodar italjanskaha prasieka, choć samoha ałkaholu ŭ składzie niama.

Nabyć hety syr možna ŭ bujnych biełaruskich sietkach — «Karonie», «Hipa» i «Santa». Jaho taksama pradajuć u internet-kramie «Je-dastaŭka», dzie 200‑hramovaja ŭpakoŭka kaštuje kala 6,7 rubla.

Vytvorca adznačaje, što syr zadumany jak niezvyčajny i efiektny pradukt, jaki pavinien radavać pakupnikoŭ i stvarać adčuvańnie raskošy.

Kamientary da artykuła