U Kryčavie paśla avaryi pačali adnaŭlać aciapleńnie
Na trecija sutki ŭ horadzie zaviaršyli ramont paškodžanaha ŭčastka ciepłatrasy na vulicy Mikrarajon Sož. Jak paviedamlaje telehram-kanał «Kričiev novosti», kamunalnyja słužby pracavali ŭsiu noč, a kala 8‑j hadziny ranicy 13 śniežnia pačali zapaŭnieńnie sistemy aciapleńnia vadoj.
Fota: t.me/krichevsmi
Žycharam paviedamili, što kali da 15:00 batarei nie stanuć ciopłymi, nieabchodna źviartacca va UKPP «Kamunalnik», kab vypuścić pavietra ź sistemy.
Raniej z-za niaspraŭnaści haradskoj kacielni «Sož», zafiksavanaj 10 śniežnia kala 16:30, u Kryčavie biez aciapleńnia zastalisia 62 šmatkvaternyja damy, škoła i 3 dziciačyja sady. U noč na 12 śniežnia ŭdałosia padklučyć adzin pavyšalny nasos, dziakujučy čamu ciapło viarnuli ŭ 14 damoŭ (504 kvatery) i dva dziciačyja sady.
Uviečary 12 śniežnia staršynia Kryčaŭskaha rajvykankama Alaksiej Šaraj paviedamiŭ, što z sacyjalnych abjektaŭ biez aciapleńnia ŭsio jašče zastajucca škoła № 3 i adzin dziciačy sad.
Čytajcie taksama:
U Kryčavie zastalisia biez aciapleńnia bolš za 60 damoŭ, škoła i dziciačyja sady
Ministerstva ŽKH raskazała, jak «darmajedy» dy ich siamiejniki pavinny płacić za kamunałku