Znoŭ stali dastupnyja raniej zabłakavanyja sajty kryptabiržaŭ
U Biełarusi adnavili dostup da šerahu bujnych kryptabiržaŭ, sajty jakich raniej byli zabłakavanyja. Abmiežavańni ŭvodzilisia paśla taho, jak Minharvykankam vyjaviŭ na hetych resursach nienaležnuju rekłamu, zaŭvažyła «Lusterka».
Fota ilustracyjnaje
9 śniežnia Ministerstva infarmacyi zakryła dostup da sajtaŭ okx.com, bitget.com, bingx.com, bybit.com, weex.com i gate.com. Padstavaj stała paviedamleńnie Minharvykankama pra parušeńni ŭ źmieście rekłamy.
Adnak pa stanie na 13 śniežnia hetyja internet-resursy ŭžo nie značacca ŭ śpisie sajtaŭ z abmiežavanym dostupam, jaki viadzie pradpryjemstva «BiełDIE».
U rejestry zabłakavanych zastajecca tolki sajt bota Smart Mining. Jaho dostup byŭ abmiežavany jašče 5 śniežnia pa patrabavańni Śledčaha kamiteta.
Čytajcie taksama:
Mininfarm patłumačyŭ, čamu zabłakavaŭ sajty kryptabiržaŭ
U Biełarusi abmiežavali dostup da sajtaŭ viadomych kryptabiržaŭ