Džon Koŭł prakamientavaŭ vyzvaleńnie palitviaźniaŭ

Śpiecpradstaŭnik prezidenta Donalda Trampa ŭ Biełarusi Džon Koŭł napisaŭ u sacsietcy X post, u jakim prakamientavaŭ vyzvaleńnie biełaruskich palitviaźniaŭ, jakoje adbyłosia paśla jahonych pieramoŭ u Minsku z Alaksandram Łukašenkam 12‑13 śniežnia.

Džon Koŭł. Fota: Yauhen Yerchak Anadolu via Getty Images

«Jašče 156 palitviaźniaŭ vyzvalenyja dziakujučy lidarstvu prezidenta Trampa! Heta važny krok u adnosinach pamiž ZŠA i Biełaruśsiu. U Vilni my abmierkavali pytańni rehijanalnaj biaśpieki i mihracyi z Hitanasam Naŭsiedam i Inhaj Ruhinienie i ŭ Minsku z prezidentam Łukašenkam.

Dziakuj vam, prezident Łukašenka, za toje, što pryniali nas i za vašy pastajannyja kroki. Dziakuj vam, Litva i Ukraina, za vašu padtrymku i partniorstva ŭ vyzvaleńni hetych źniavolenych. Asabliva ŭdziačny Kiryłu Budanavu za jaho nieacennuju kaardynacyju, dziakujučy jakoj heta adbyłosia na praciahu apošnich niekalkich tydniaŭ», — napisaŭ Džon Koŭł.

Jak paviedamlałasia, 13 śniežnia na volu ź biełaruskich turmaŭ i kałonij vyjšli 123 čałavieki. Ličba 156, nazyvanaja Koŭłam, uklučaje inšyja vypadki vyzvaleńniaŭ, jakija adbyvalisia z kanca listapada. U pryvatnaści, byŭ vyzvaleny 31 hramadzianin Ukrainy i dva katalickija śviatary — Hienrych Akałatovič i Andžej Juchnievič.

Kamientary da artykuła