Anžalika Borys: Pačobutu nichto nikoli ničoha nie prapanoŭvaŭ za ŭsie hetyja hady

Byłaja kiraŭnica Sajuza palakaŭ u Biełarusi Anželika Borys na svajoj staroncy ŭ fejsbuku prakamientavała navinu pra toje, što palitźniavolenaha žurnalista i aktyvista polskaj mienšaści ŭ Biełarusi Andreja Pačobuta siońnia nie vypuścili z-za krataŭ, choć hetaha ŭsie čakali.

Zdymak ilustracyjny. Krynica: Jaap Arriens NurPhoto via Getty Images 

«Vielmi prašu žurnalistaŭ nie śpiekulavać nakont Andreja Pačobuta, ja vielmi asabista zasmučanaja i spadziajusia na jaho vyzvaleńnie.

Andreju nichto nikoli ničoha nie prapanoŭvaŭ za ŭsie hetyja hady, kab pisać jakija-niebudź prašeńni ab pamiłavańni, nie było taksama i razmovy pra jaho vyjezd ź Biełarusi.

Na pačatku my z Andrejem tady admovilisia ad vyjezdu, potym nie było nijakich prapanoŭ, prosta Andrej nie byŭ u śpisie biełaruskaj apazicyi, bo źjaŭlajecca pradstaŭnikom polskaj mienšaści.

Vielmi ciešusia, što ludzi na voli, šmat zdaroŭja ŭsim žadaju i sił», — napisała Anžalika Borys.

Raniej pres-sakratar MZS Polščy Maciej Vievior paviedamiŭ, što Andrej Pačobut nie vyzvaleny tamu, što admoviŭsia napisać prašeńnie ab vyzvaleńni. Takaja prapanova, pa słovach dypłamata, sapraŭdy isnavała, adnak Pačobut jaje nie pryniaŭ. Ale heta, padkreśliŭ pradstaŭnik MZS, nie aznačaje spynieńnia namahańniaŭ pa jaho vyzvaleńni.

Kamientary da artykuła