«Kvadrat» kaštuje $2750. Heta nie luks, a samaja tannaja kvatera ŭ Minsku
Pryčym heta mikrakvatera na vulicy Kabuškina.
Jana chavajecca ŭ chruščoŭcy 1970 hoda pabudovy, prosta nasuprać Minskaha aŭtamabilnaha zavoda. Płošča žylla — usiaho 20 kv. m, ź ich žyłoj płoščy tolki 11 «kvadrataŭ», piša Onliner.by.
Abstanoŭka kłasičnaja dla staroha fondu: draŭlanaja padłoha, dyvan na ścianie, mebla, jakaja bačyła nie adno pakaleńnie žycharoŭ. Zajechać možna adrazu, kali nie chočacca tracicca na ramont: u kvatery jość usio samaje nieabchodnaje.
A ciapier samaje cikavaje: cana — 55 tysiač dalaraŭ pa kursie, abo za «kvadrat» u takoj adnapakajovaj kvatery vielmi navat prystojnaja — $2750.
Jak ličycie, uładalniki zavysili canu ci, naadvarot, pradali zanadta tanna?