Abvieščanyja pieramožcy premii imia Franciška Bahuševiča za 2024 hod

16 śniežnia na kanale Biełaruskaha PENa adbyłasia anłajn-cyrymonija ŭhanaravańnia premijaj imia Franciška Bahuševiča za najlepšy histaryčny tvor, apublikavany ŭ 2024 hodzie.

Štohadovaja premija, zasnavanaja ŭ 1994 hodzie, nosić imia vybitnaha biełaruskaha piśmieńnika dy hramadskaha dziejača i tradycyjna ŭručajecca aŭtaram za vydatnuju histaryčnuju prozu, jakaja spryjaje abudžeńniu histaryčnaj śviadomaści i nacyjanalnaj niezaležnaści čytačoŭ.

Sioleta byli ŭhanaravanyja niekalki pieramožcaŭ:

• za intelektualnuju aktualizacyju materyjalnaj spadčyny premiju imia Franciška Bahuševiča atrymała Kaciaryna Vadanosava i jaje prajekt «Nitka Zorka. Majsternia Kaciaryny Vadanosavaj» na telekanale «Biełsat»;

• za hruntoŭny ŭniosak u biełaruskuju nieśmiarotnaść pieramožcami premii imia Franciška Bahuševiča stali Natalla Hardzijenka i Lavon Jurevič z vydańniem «Kniha mohiłak. Biełaruskija pachavańni ŭ śviecie» (fond Kamunikat.org, 2024).

Aproč dźviuch hetych premij, Rada Biełaruskaha PENa ŭhanaravała śpiecyjalnaj adznakaj knihu Siarhieja Dubaŭca «Stahodździe NN» (Viasna, 2024) za kreatyŭnuju reinterpretacyju nacyjanalnaj kłasiki.

Kamientary da artykuła