USU atakavali NPZ i enierhietyku ŭ Krasnadarskim krai
U noč na 17 śniežnia padraździaleńni USU ŭrazili infrastrukturu Słavianskaha NPZ u horadzie Słaviansk-na-Kubani (Krasnadarski kraj). Administracyja horada paćvierdziła ataku i paviedamiła, što kala 40 tysiač čałaviek zastalisia bieź śviatła.
Hienštab USU paviedamiŭ pra ataku na Słavianski NPZ. Zavod pierapracoŭvaje da 5,2 młn ton nafty ŭ hod i zadziejničany ŭ zabieśpiačeńni rasijskich vojskaŭ.
Z-za abłomkaŭ dronaŭ USU zaharelisia abstalavańnie i trubapravod NPZ u Słaviansku-na-Kubani, paćvierdzili ŭ apierštabie Krasnadarskaha kraju.
U horadzie paśla ŭdaru kala 40 tys. čałaviek zastalisia bieź śviatła. Taksama paśla padzieńnia BPŁA ŭ tym ža rajonie dva čałavieki paciarpieli, ich špitalizavali.
Paśla ataki dronaŭ u Varoniežskaj vobłaści taksama byli paškodžanyja linii elektrapieradač, zajaŭlaŭ hubiernatar Alaksandr Husieŭ.