Z daviedkami zamiest pašpartoŭ vysłali za miažu kala 20 vyzvalenych palitviaźniaŭ
13 śniežnia ź miescaŭ pazbaŭleńnia voli ŭ Biełarusi byli vyzvalenyja 123 palitviaźni, 114 ź jakich paśla hetaha prymusova pieramiaścili na terytoryju Ukrainy. Jak stała viadoma «Viaśnie», biez pašpartoŭ za miažu vyvieźli kala 20 čałaviek.
Daviedka, ź jakoj byŭ prymusova vyviezieny za miažu pravaabaronca Uładź Łabkovič. Fota: «Viasna»
Siarod tych, u kaho zabrali pašparty — viadomyja i miedyjnyja asoby, a taksama ŭniesienyja ŭ «śpis terarystaŭ». Ź biełaruskaha boku heta nijak nie tłumačyłasia. Zamiest pašpartoŭ palitviaźniam vydali daviedki, jakija paćviardžajuć asobu.
Na heta na pieršaj pres-kanfierencyi źviartaŭ uvahu pravaabaronca «Viasny» Uładź Łabkovič:
«Adbyłasia peŭnaja sielekcyja. Čym dumali supracoŭniki biełaruskich śpiecsłužbaŭ, jakija arhanizoŭvali hetuju śpiecapieracyju, ja nie viedaju».
Takim čynam, u vyniku ludzi apynulisia ŭ inšaj krainie biez dakumientaŭ, hrošaj i asabistych rečaŭ, u stanie pravavoj niavyznačanaści.
Heta, adnak, užo nie pieršy raz, kali łukašysty takoje praktykujuć. Padčas papiaredniaha masavaha vyzvaleńnia palitviaźniaŭ 11 vieraśnia 2025 hoda častka ź ich taksama apynułasia pa-za miežami Biełarusi biez pašpartoŭ, choć navat u biełaruskim MUS kazali, što pavodle zakonu heta niemahčyma.
Čytajcie taksama:
MUS Biełarusi: Nijakich daviedak dla vyjezdu za miažu biez pašparta ŭ nas nie isnuje
Ofis Cichanoŭskaj prakamientavaŭ departacyju častki palitviaźniaŭ biez pašpartoŭ