Łukašenka vykazaŭsia pra raźmiaščeńnie «Arešnika»
Paviedamić łakacyju jon admoviŭsia.
Łukašenka padčas UNS vykazaŭsia pra raźmiaščeńnie «Arešnika» ŭ Biełarusi.
«Siońnia pračytaŭ, što našy ačumiełyja tam, za miažoj, zajavili, byccam niedzie ŭ rajonie Słucka my raźmiaścili «Arešnik». Nie chaču havaryć dzie i nie skažu.
Ale heta poŭnaja chłuśnia. Ni ŭ jakim Słucku my «Arešnik» nie raźmiaščali», — zajaviŭ Alaksandr Łukašenka.
«Raźmiaścili tam, dzie bolš vyhadna, ale ja pra heta havaryć nie budu. Choć z časam heta i nie budzie tajamnicaj. Taki pazicyjny rajon stvaryć za karotki pramiežak času (ci za praciahły)… Jon tajamnicaj nie budzie».
«Ja čytaju i ŭśmichajusia: nakolki ž durni! Mnohija ludzi viedajuć i razumiejuć, što heta nie tak. Ale aby lapnuć u srodkach masavaj infarmacyi. Uźnikaje pytańnie: navošta amierykancy ci jeŭrapiejcy ciapier im hrošy płaciać? Jany ž ničoha nie viedajuć», — dadaŭ jon.