Budanaŭ raskazaŭ, kolki rasijan mabilizavana ŭ 2025 hodzie: «Jany pieravykanajuć płan»
Mabilizacyjny płan Rasii na 2025 hod byŭ nabrać 403 tysiačy čałaviek — hetaj kolkaści tam dasiahnuli ŭ pačatku śniežnia. Takim čynam, rasijanie ŭ 2025 hodzie pieravykanajuć płan naboru ludziej u vojska. Pra heta ŭ intervju «Suśpilnamu» raskazaŭ Kirył Budanaŭ, načalnik Hałoŭnaha ŭpraŭleńnia raźviedki Minabarony Ukrainy.
Budanaŭ raskazaŭ, što asnoŭnaja krynica papaŭnieńnia rasijskaha vojska— kantraktniki.
Pavodle słoŭ hienierała, na 2026 hod mabilizacyjny płan rasijan — nabrać 409 tysiač čałaviek.
Na pytańnie, ci sutykajucca ŭ Rasii z prablemami ŭ pracesie naboru ludziej na vajnu, Kiryła Budanaŭ adkazaŭ: «Viadoma. Tamu pieryjadyčna jany pavialičvajuć uzrovień adnarazovych vypłat: jon vahajecca ŭ zaležnaści ad rehijona, ale heta značnyja sumy. Tak jany zavablivajuć ludziej u vojska».