Zahinuŭ biełaruski dobraachvotnik Vasil «Dzir» Rapicki
Jon zahinuŭ 4 sakavika.
Pra śmierć Vasila paviedamiła ŭ sacsietkach jaho žonka Śviatłana.
«Majo serca raźbiłasia nazaŭsiody. Ja nie mahu ŭ heta pavieryć. Moj Lubušak zahinuŭ. Majo kachańnie, majo ščaście! Ja tak sumuju pa Tabie, pa Tvaich mocnych abdymkach. Pa Tvaim ščyrym śmiechu. Pa Tvaim dobrym sercy. Ty byŭ našaj aporaj i padtrymkaj. Choć Ty vajavaŭ i nas abaraniaŭ, ale heta Ty byŭ dla nas nadziejnym tyłam. Maje ślozy biaskoncyja. Maja tuha biaźmiežnaja… Majo serca razryvajecca ad bolu! Vasia zahinuŭ 4 sakavika padčas vykanańnia bajavoha zadańnia», — napisała jana.
Uradžencu Krupak Vasilu Rapickamu było 40 hadoŭ. U jaho zastalisia dvoje niepaŭnaletnich dziaciej.