U Hrodnie troje školnikaŭ ździekavalisia ź inšaha padletka: padviesili za partfiel u prybiralni
U Hrodnie adbyŭsia incydent z udziełam padletkaŭ, jakija ździekavalisia ź inšaha školnika. Hrupa chłopcaŭ va ŭzroście 14, 17 i 18 hadoŭ padviesiła padletka za partfiel na kručok u prybiralni, paśla čaho jany raźbiehlisia, paviedamlaje teleradyjokampanija «Hrodna».
Vypadak trapiŭ na videa, jakoje trapiła da supracoŭnikaŭ milicyi. Paśla hetaha situacyja chutka trapiła ŭ pole ŭvahi inśpiekcyi pa spravach niepaŭnaletnich i piedahohaŭ. Z padletkami i ich baćkami praviali hutarki.
Vyśvietliłasia, što ŭsie ŭdzielniki incydentu vučacca na siarednim uzroŭni i vychoŭvajucca ŭ zvyčajnych, źniešnie ničym nie admietnych siemjach. Sami jany pryznali, što zrabili heta zduru, škadujuć pra svoj učynak i hatovyja paprasić prabačeńnia.
U dačynieńni da ich składzienyja administracyjnyja pratakoły za drobnaje chulihanstva. Materyjały pieradadzienyja ŭ kamisiju pa spravach niepaŭnaletnich, a 18‑hadovamu ŭdzielniku jašče pahražaje sudovy razhlad.
Čytajcie taksama:
U Homieli padletak prynios u škołu nož, kab zabić adnakłaśnikaŭ, jakija ź jaho ździekavalisia