Biełaruskaha pryziora Alimpijady ŭ Paryžy złavili na dopinhu
Biełaruskaha ciažkaatleta Jaŭhiena Cichancova časova adchilili ad spabornictvaŭ praz padazreńnie ŭ parušeńni im antydopinhavych praviłaŭ.
Jaŭhien Cichancoŭ z alimpijskim miedalom
Mižnarodnaje ahienctva dopinh-testavańnia paviedamiła, što ŭ dopinh-probie spartsmiena, uziataj 8 sakavika pa-za spabornictvami, vyjavili ślady harmonu rostu. Heta rečyva zabaroniena Suśvietnym antydopinhavym ahienctvam jak padčas turniraŭ, tak i pa-za imi.
Pakul adchileńnie maje časovy charaktar. U Cichancova jość prava zapatrabavać pravierku proby B, kab paćvierdzić abo abvierhnuć vyniki pieršapačatkovaha analizu. Taksama jon moža dać aficyjnyja tłumačeńni adnosna taho, jak zabaronienaje rečyva mahło trapić u arhanizm.
Jaŭhien Cichancoŭ — uradženiec Homiela i adzin ź lidaraŭ biełaruskaj zbornaj pa ciažkaj atletycy. Jon źjaŭlajecca bronzavym pryzioram Alimpijskich hulniaŭ 2024 hoda ŭ Paryžy, a taksama čempijonam i pryzioram čempijanataŭ śvietu, dvuchrazovym čempijonam Jeŭropy.
Čytajcie taksama:
Jaŭhien Cichancoŭ — bronzavy pryzior Alimpijady ŭ Paryžy
20‑hadovy biełarus staŭ čempijonam śvietu pa ciažkaj atletycy
Biełaruski ciažkaatlet «trapiŭ» na 120 tysiač rubloŭ
Italjanskaja bijatłanistka pierad samym startam zimovaj Alimpijady pravaliła dopinh-test
MAK źniaŭ usie abmiežavańni ź biełaruskich spartsmienaŭ. Z rasijskich — nie