Čamu na mundyjali tak šmat futbalistaŭ hulajuć u ružovych bucach?
Mnohija zaŭziatary zaŭvažyli adnu cikavuju detal ciapierašniaha čempijanatu śvietu: ružovyja bucy litaralna zapałanili turnir. Praktyčna ŭ kožnym matčy na poli možna ŭbačyć hulcoŭ u jarkim abutku.
Zbornaja Narviehii, fota: Justin Setterfield/Getty Images
Pryčyna ŭ tym, što najbujniejšyja vytvorcy ekipiroŭki — Nike, Adidas i Puma — hetym letam zrabili staŭku mienavita na ružovy koler. Kampanii tradycyjna vykarystoŭvajuć čempijanat śvietu jak hałoŭnuju vitrynu dla novych madelaŭ, a bolšaść futbalistaŭ abaviazanyja nasić bucy brendaŭ, ź jakimi ŭ ich zaklučanyja kantrakty, piša «Trybuna».
U Nike tłumačać vybar prosta. Pavodle słoŭ pradstaŭnika kampanii Adzinhi Nimaka, daśledavańni pakazali, što spartsmieny adčuvajuć siabie bolš upeŭniena ŭ jarkim abutku.
Fota: Justin Setterfield/Getty Images
«My pastajanna čujem ad spartsmienaŭ, asabliva kali havorka idzie pra važnyja momanty, što jarkija kolery dadajuć im upeŭnienaści, tamu heta stała našaj adpraŭnoj kropkaj. Ružovy — adzin z takich koleraŭ».
Zbornaja Maroka. Fota: Marc Atkins/Getty Images
Adnak jość i vyklučeńni. Naprykład, Lijanel Miesi zabiŭ svoj histaryčny pieršy chiet-tryk na čempijanacie śvietu ŭ bieła-błakitnych bucach Adidas El Ultimo Tango.
Anhlija. Fota: Eddie Keogh — The FA/The FA via Getty Images
A dla Kryšcijanu Ranałdu Nike stvaryła śpiecyjalnyja całkam załatyja bucy, adnak na pieršy matč na hetym mundyjale partuhalec u ich nie vyjšaŭ.
I hulcy zbornaj Jehipta, i zbornaj Bielhii byli ŭ ružovych, a voś Ramełu Łukaku ŭ załacistych i zabiŭ hoł. Fota: Alex Grimm/Getty Images